Vllaznia ka shlyer detyrimet ndaj Marko Juriç, duke mbyllur njërën nga tre çështjet e humbura në FIFA gjatë muajit nëntor, të cilat sollën dënimin e rëndë me bllokimin e merkatos për tre sesione.
Klubi shkodran kishte humbur tre procese në një interval të shkurtër kohor, duke u detyruar të përballet me pasoja të menjëhershme financiare dhe sportive.
LEXO EDHE: “Plas” keq te klubi i Superiores, nëntë lojtarë të përjashtuar
Pagesa ndaj Juriçit është një hap i rëndësishëm drejt normalizimit të situatës. Aktualisht, mbeten edhe dy çështje të tjera që duhet të zgjidhen përpara se embargoja të hiqet.
Drejtuesit e klubit po vijojnë punën për të mbyllur detyrimet e mbetura në kohë sa më të shpejtë. Nëse procesi finalizohet, Vllaznia do të ketë mundësinë të ndërhyjë në merkato që në muajin janar. Ky zhvillim shihet si jetik për forcimin e skuadrës në pjesën e dytë të sezonit.
