Mirel Josa foli pas ndeshjes së humbur 4 me 1 ndaj Vorës. Trajneri i Bylisit tregoi çfarë ndodhi edhe me portierin Vashu.
“Ishim të detyruar për shumë lëvizje që kishim bërë në skuadër, për mungesat që kishim. Kishim dhe lojtarë të tjerë, që ishin në limitin e numrit të kartonave. Kjo e zbehu luftën, sidomos në mesfushë. Në momente të veçanta u nxituam dhe gabime individuale sollën zhvillimin e kësaj ndeshje të dobët.
LEXO EDHE: 5 gola dhe portieri që braktis ndeshjen, mbyllet sfida e çudirave
I bie ngarkesa të gjithë skuadrës, neve si staf, në mënyrë që të karikonim më tepër skuadrën. Jo se nuk ishte, por në momente të veçanta, në dylyftime ishin shumë mbrapa.
Ne në pjesën e sulmit dhe jo vetëm, problemi ishte te lojtarët që marrin pjesë në manovrën sulmuese tonën. Këtu kishim pak probleme, duke pasur parasysh edhe dy mesfushorët e tjerë. U detyruam në pjesën e dytë të dalim në 4-2-3-1, që nuk na shërbeu si duhet. Ne nuk mund të rrezikonim më tepër se dhe lojtarët e tjerë i kemi të ngarkuar me kartonë.
SHIKONI VIDEON: Momenti kur portieri braktis ndeshjen
Portieri Vashu? Kjo nuk do të thotë asgjë. Portieri kërkoi ndërrim, për arsye dëmtimi. Nga momenti që ishte fundi i pjesës së parë, thashë të shikojmë gjendjen sa i përket vazhdimësisë së tij në pjesën e dytë”, u shpreh Mirel Josa.
