Dinamo ka rinovuar kontratën me Klevi Qefalijan.
Mesfushori 21-vjeçar është një nga lojtarët më premtues të bluve. Drejtuesit presin transferimin e tij jashtë vendit, me qëllimin për të përfituar sa më shumë nga shitja e tij.
Për këtë arsye, palët kanë arritur akordin për të rinovuar kontratën deri në 2028, sipas asaj që raporton RTSH.
Një hap i rëndësishëm për Qefalijan, i cili me gjasa shumë shpejt do nisë një aventurë jashtë vendit, duke i sjellë dhe Dinamos të ardhura të rëndësishme.
Në vitin 2023 mëngjarashi la Tiranën për të kaluar te Dinamo, ku shpejt u shndërrua një nga elementët kyç të “Nëndetëses”. Progresi i Qefalijës me fanellën blu ka bërë që ai të marrë vëmendjen edhe të trajnerit të Kombëtares, Silvinjo, i cili e ka pasur vazhdimisht në vëzhgim dhe në listën B kohët e fundit.
Klubi i Dinamo ka një politikë të qartë për lojtarët e talentuar me moshë të re, duke u dhënë mundësinë të rriten profesionalisht për të bërë më pas hapin e madh të kalimit në një kampionat të huaj. Kështu ndodhi verën e kaluar me sulmuesit Baton Zabërgja dhe Peter Itodo Mandela, të cilët u shitën në Ukrainë.
Klevi Qefalija ka shënuar 4 gola me fanellën e Dinamo City.
