Një autogol i çuditshëm i dha fitoren minimale Elbasanit ndaj Flamurtarit. Verdheblutë triumfuan minimalisht ndaj vlonjatëve, në një përballje me emocione të mëdha.
Në “Elbasan Arena”, ishte një ndeshje e bukur dhe me raste, por në fund festa shkoi për vendasit. Një autogol i çuditshëm nga Jose Rodriguez, zhbllokoi sfidën në favor të skuadrës së drejtuar nga Ivan Gvozdeniovic.
Afrimi i bujshëm i verës te kuqezinjtë, në tentativë për të kthyer topin pas, e dërgoi atë në portën e tij, kjo është për shkak të daljes së portierit Aleksovski në minutën e 35-të.
Rezultati nuk ndryshoi deri në fund, me Elbasanin që mori 3 pikët e para, ndërsa Flamurtari nis sezonin me humbje.
/CNA
