Klubi i Bylisit ka mbyllur një nga merkatot më aktive, duke zyrtarizuar tetë përforcime brenda 48 orëve të fundit.
Pas largimit të lojtarëve kyç si Peralta, Mustafa dhe Malomo, drejtuesit kanë reaguar menjëherë.
Pas tre afrimeve të djeshme (Ozols, Fokam dhe Dimov), sot janë prezantuar edhe pesë futbollistë të tjerë: Kristian Gjini, Gjorgji Stilov, Pedro Vieira, Tomas Kastro dhe Olavio dos Santos Lima Filho.
Këto përforcime prekin çdo repart, nga porta deri në sulm. Trajneri Mirel Josa pritet t’i ketë lojtarët e rinj në dispozicion për sfidën e radhës kundër Partizanit.
Një detaj interesant është prania e Pedro Vieiras, i cili ka qenë shok skuadre me sulmuesin e “Demave”, Xhuliano Skuka, te Penafiel në Portugali.
