Manchester United iu rikthye “avazit” të vjetër”. Skuadra e Ruben Amorim, nuk shkoi më shumë se barazimi 2-2 ndaj Nottingham Forest në transfertë.
“Djajtë” u ndalën pas tre fitoreve radhazi dhe humbasin mundësinë për tu ngjitur në renditje. Casemiro zhbllokoi takimin në minutën e 34-t, por vendasit përmbysën rezultatin me golat e Gibbs-White në minutën e 48-të dhe Savona në minutën e 50-të.
Rezultatin e barazoi Diallo në minutën e 81-të, i cili i dha një pikë United. Arsenali vazhdon me serinë e fitoreve radhazi, duke u shkëputur në krye të renditjes.
“Topçinjtë” triumfuan 0-2 ndaj Burnley në transfertë, falë golave të Gyokeres dhe Rice në pjesën e parë. Me këtë sukses, skuadra e Artetës vazhdon e qetë në krye me 25 pikë, 7 më shumë se ndjekësi më i afërt.
Në këtë duel mori minuta edhe Armando Broja, i cili u aktivizua në pjesën e dytë nga stoli, por nuk arriti të lërë shenjë.
Në duelet e tjera të javës së 10-të në Premier League, Brighton fitoi 3-0 ndaj Leeds, ashtu si edhe Fulham ndaj Wolves. Crystal Palace triumfoi 2-0 ndaj Brentford.
