Egnatia dhe Elbasani ndanë pikët në barazimin 1-1, në ndeshjen e javës së dytë të Superiores, e cila u zhvillua në Rrogozhinë.
Diallo kaloi miqtë në avantazh në minutën e 44-t, ndërsa Jeferson barazoi shifrat për Egnatian në minutën e 83-të. Pas golit nisi një situatë e tensionuar, pasi festa e lojtarit të Egnatias para tifozëve solli reagimin e Lulajt, i cili u ndëshkua me karton të kuq.
Më pas, Fangaj dhe vetë Jeferson u përjashtuan gjithashtu, duke bërë që miqtë ta mbyllnin me 9 lojtarë. Në fund Loukili pati mundësinë nga penalltia, por Dajsinani e priti, ndërsa një gol i Lajthisë u anulua për parregullsi në zonë.
Në përfundim skuadrat u detyruan të ndahen me nga një pikë. Ndërkohë, Partizani u ndal në barazim pa gola ndaj Teutës, duke marrë rezultatin e parë të tillë pas fitores në javën hapëse kundër Vorës.
/CNA
