Ditmar Bicaj është një nga emrat që po diskutohet për stolin e Lushnjës. Ish-mbrojtësi i njohur ka pranuar bisedimet me drejtuesit e klubit.
Largimi i trajnerit Erion Xhafa u bë zyrtar ditën e djeshme, me këtë të fundit që dha dorëheqjen për arsye personale. Në rast se arrihet marrëveshja, Bicaj do të rikthehej në Kategorinë e Parë pas eksperiencës me Burrelin.
Me këtë ekip ai arriti gjysmëfinalen e “play-off”-it në edicionin e kaluar. Aktualisht Lushnja renditet me 4 pikë pas 4 javësh të para. Ekipi ka regjistruar katër barazime radhazi në kampionat.
