Prej kohësh, Federata Shqiptare ka hapur një kanal televiziv dedikuar futbollit, nën emrin FSHF TV.
Këtë të mërkurë, u zhvillua edhe emisioni i parë “Shtëpia e Futbollit”, ku presidenti Armand Duka dha detaje.
Sipas tij ky është një projekt, ndërsa në fillim kur është projektuar, është menduar se në të ardhmen mund të transmetojë edhe kampionatin.
“Ky është një projekt, sepse fillon me TV, me kamerat robotike në të gjitha ndeshjet. Ka një kosto të madhe financiare. Nuk kemi lekë në sirtar për ta bërë këtë projekt. Ky TV, do prodhojë edhe financa për të mbajtur veten. Do shtojë numrin e sponsorëve. Kur është menduar hapja e këtij TV, është menduar se një ditë mund të jetë edhe transmetues i kampionatit shqiptar, nëse tregu nuk i kënaq kërkesat. Nga dita e parë, kemi të drejtën për ritransmetime të kampionatit dhe ndeshjeve të Kombëtares”, u shpreh Duka.
