Jasir Asani është rikthyer të jetë vendimtar në skenën ndërkombëtare, këtë herë në kuadër të AFC Champions League 2 me fanellën e Esteghlal.
Sulmuesi i Kombëtares shqiptare shënoi dy gola në ndeshjen e kthimit në transfertë kundër skuadrës jordaneze, Al Hussein.
Asani hapi serinë e golave që në minutën e 10-të të takimit, duke u treguar i saktë nga pika e bardhë e penalltisë.
Ai zgjodhi një ekzekutim të guximshëm në stilin “Panenka” për të mposhtur portierin kundërshtar, duke festuar më pas në stilin karakteristik të Cristiano Ronaldos.
Në fillimin e pjesës së dytë, sulmuesi shqiptar shfaqi sërish aftësitë e tij goditëse duke realizuar golin e dytë personal.
Përmes një goditjeje të fortë me të majtën nga jashtë zonës, që konsiderohet edhe “specialiteti” i tij, Asani riktheu Esteghlal-in në avantazh me shifrat 2-1.
