Kevin Zefi po stërvitet aktualisht me Vllazninë. Futbollisti shqiptar është pa ekip pas largimit nga Roma dhe mund të firmosë me skuadrën shkodrane, e cila po kalon një periudhë të mirë këtë sezon.
Zefi, që konsiderohet një prej talenteve më premtues shqiptarë, ka luajtur më parë në akademinë e Interit dhe ka përfaqësuar Irlandën në nivele të ndryshme të moshave. Po ashtu është ftuar edhe nga Shqipëria U-21.
Lojtari pritet të vlerësohet nga stafi teknik i Vllaznisë për formën dhe gatishmërinë fizike. Në rast se arrihet marrëveshja, ai do të luante për herë të parë në Kategorinë Superiore.
Për Zefin, një kalim te Vllaznia do të ishte një rikthim në qytetin e tij të lindjes, Shkodër. Klubi pritet të vendosë në ditët në vijim për të ardhmen e tij.
