Redon Xhixha pritet të jetë një nga afrimet kryesore të Tiranës në merkaton e janarit.
Sulmuesi është shumë pranë rikthimit te bardheblutë, me bisedimet që ndodhen në fazën përfundimtare dhe palët pranë marrëveshjes.
Nëse operacioni mbyllet sipas planit, Xhixha do të rikthehet në kryeqytet pas rreth tre vitesh.
Ai u largua nga Tirana në janar të vitit 2023 për të vijuar karrierën te Karabaku në Azerbajxhan. Më pas, sulmuesi firmosi me CR Belouizdad, ku ka zhvilluar 5 ndeshje dhe ka regjistruar 117 minuta lojë.
Drejtuesit e Tiranës e konsiderojnë këtë rikthim si një lëvizje për të forcuar repartin ofensiv në gjysmën e dytë të sezonit.
Njohja e ambientit dhe e kampionatit shihet si një avantazh për integrimin e tij të shpejtë në skuadër.
Me afrimin e mundshëm të Xhixhës, Tirana synon të rrisë alternativat dhe konkurrencën në fazën sulmuese, duke ndërtuar një treshe me Ernestin dhe Tabekun.
