Skënderbeu është gati për ndeshjen e parë ndaj Burrelit, që shënon edhe startin e sezonit të ri për korçarët në Kategorinë e Parë.
Trajneri Ernest Gjoka ka konfirmuar se boshti i ekipit do të mbetet i njëjtë, kryesisht me futbollistët e sezonit të kaluar. Përballë matjanëve, korçarët do të kenë mungesën e rëndësishme të sulmuesit Bismark, i cili nuk është i gatshëm për shkak dëmtimi.
Ka zëra se klubi mund të presë për aktivizimin e tij, duke pasur parasysh edhe mundësinë e shitjes gjatë kësaj merkatoje. Nëse ai do të luante, kjo do të ndalonte mundësinë e transferimit brenda afatit.
