Karriera e Dele Alli, dikur një nga talentet më të mëdhenj të futbollit anglez, ka pësuar një rënie të vazhdueshme në vitet e fundit.
Pas shpalljes si lojtari më i mirë i ri në Premier League në vitet 2016 dhe 2017, mesfushori 29-vjeçar nuk ka arritur të ruajë nivelin. Që nga largimi nga Tottenham, ai nuk ka lënë gjurmë as te Everton, as te Besiktas, dhe as te Como në Itali.
Në sezonin aktual, ai nuk stërvitet më me ekipin e parë dhe nuk bën pjesë në planet e trajnerit Cesc Fabregas. Klubi italian ka realizuar disa transferime në mesfushë dhe kërkon ta largojë Alli sa më shpejt. Aktivizimi i tij në Serie A u reduktua në vetëm 10 minuta lojë, të cilat përfunduan me karton të kuq.
Gjatë gjithë kësaj kohe, dëmtimet dhe problemet jashtë fushe kanë ndikuar në mungesën e vazhdimësisë. Mediat italiane raportojnë se lojtari po shqyrton mundësinë për të dalë në pension.
