Mesfushori i Partizanit, Rowan Human, ka kaluar një moment mjaft të vështirë personal pak orë përpara sfidës kundër Bylisit.
Lojtari mori lajmin e hidhur për ndarjen nga jeta të gjyshes së tij, por pavarësisht barrës emocionale, ai vendosi të zbriste në fushë si titullar.
Human jo vetëm që luajti gjatë gjithë takimit, por pati një rol protagonist duke shënuar dhe kontribuar në fitoren e rëndësishme të “Demave”.
Në përfundim të ndeshjes, ai u shpall edhe lojtari më i mirë, një vlerësim që mori përmasa simbolike pas ngjarjes së rëndë familjare.
Futbollisti ia dedikoi këtë sukses kujtimit të gjyshes së tij, duke treguar një profesionalizëm dhe forcë shpirtërore që u vlerësua nga të gjithë pranishmit.
