Edi Martini në pozitën e trajnerit të Vllaznisë ka folur për mediat pas fitores 1 – 0 ndaj Pogradecit në “Loro Boriçi”, duel i vlefshëm për fazën 1/8-ave në Kupën e Shqipërisë.
“E vështirë. Pogradeci ka ekip të mirë, pavarësisht se ishin të favorizuar sot sepse kanë 1 javë kohë për të përgatitur ndeshjen tjetër, u fillon kampionati pas një jave. Ne pas 3 ditëve. Ishim të detyruar të mbanim në stol pjesën më të madhe të lojtarëve, ishin 6 lojtarë që nuk ishin në formacionin e parë.
Gjithsesi u bë ndeshje e vështirë, edhe terreni shumë i rënduar. I rëndësishëm ishte kualifikimi, lojtarët që duhet të mbaheshin pushim dhe të kishin forca për ndeshjen e së mërkurës, kjo ishte më e rëndësishmja për ne sot.
Jam i kënaqur deri diku me djemtë që hynë sot. Janë djem të rinj, që kanë mundësi të mbërrijnë shumë larg. Kanë shumë punë për të bërë, por më kanë dhënë gjëra pozitive.
Aktivizimi i titullarëve dhe Balajt? Futëm 5 lojtarë të formacionit, lamë Krymin që është i gjashti. Ndërruam dhe kishim më personalitet në fushë. Ishin momente që duhet të veprohej më me shpejt se logjika e duhur e lojës.
Ne kemi hyrë për ide madhore në këtë kampionat. Jemi në të dy frontet, do vazhdojmë deri në fund. Faza në Ulqin? I kënaqur sepse është fushë me bar natyral ku kemi mundësi të stërvitemi. Ushqimi dhe hoteli mjaft mirë, por më e rëndësishme është fusha e stërvitjes sepse me këto reshje që kanë rënë në Shkodër është e pamundur për t’u stërvitur.
Test serioz para Egnatias? Shyqyr Zotit që nuk harxhuam energji më tepër se duhet, ruajtëm lojtarë dhe nuk e dërguam ndeshjen në shtesë. Po të shikoni të gjithë ndeshjet sot, Egnatia apo Elbasani që ka shkuar në shtesë, Tirana që shkoi në shtesë, janë shumë ekipe.
Të Kategorisë së Parë janë ekipe shumë të forta. Do kthehemi në Ulqin. Këtu është e pamundur për shkak të reshjeve. Nesër do udhëtojmë drejt Ulqinit”, u shpreh Martini.
