Egnatia fitoi supersfidën e javës së 17-të në Superiore. Rrogozhinasit triumfuan 2-1 ndaj Partizanit në shtëpi, në një ndeshje me fund spektakolar.
Buriç zhbllokoi takimin në minutën e 42-të me kokë, pas një krosimi të marrë nga Aleksi. Pjesa e parë u mbyll me këtë rezultat, ndërsa e dyta solli edhe dy gola të tjerë.
Në minutën e 84-t, Egnatia mbeti me 10 lojtarë, pasi Xhemajli u ndëshkua me karton të kuq, për goditje në fytyrë të Sembene.
Edhe pse në inferioritet numerik, vendasit gjetën edhe golin e dytë, në minutën e 90-të me Ndrecën. Partizani nuk u dorëzua lehtë dhe ngushtoi shifrat vetëm një minutën e vonë, me golin e Contreras, por pa mundur të ndryshojë rrjedhën e takimit.
Me këtë fitore, Egnatia ngjitet përkohësisht në vendin e parë me 34 pikë, ndërsa Partizani me 11 pikë më pak, mban vendin e gjashtë.
SHIKO RENDITJEN: https://vetemsport.com/java-e-12-superiore-renditja/
Me të njëjtin rezultat fitoi edhe Dinamo ndaj Vorës. Skuadra e Ilir Dajës, iu fal përmbysjes në pjesën e dytë për të marrë fitoren.
Patrik Bardhi i dha avantazhin Vorës në minutën e 23-të, falë një penalltie. Në fraksionin e dytë, Dinamo barazoi me Teixeira në minutën e 54-t.
Golin e fitores e shënoi Dejvi Bregu në minutën e 70-të, pas një aksioni të shkëlqyer. Dinamo mban vendin e tretë me 29 pikë, ndërsa Vora regjistron humbjen e tretë radhazi dhe mban vendin e shtatë me 16 pikë.
