Roberto Bordin është shkarkuar nga posti i trajnerit të Tiranës. 24 orë pas humbjes me Elbasanin, klubi ka vendosur të largojë trajnerin.
“Vetëm Sport” mëson ekskluzivisht se mbrëmjen e kësaj të enjte, italianit i është komunikuar shkarkimi.
Gjithashtu drejtuesit kanë zgjedhur edhe trajnerin e ri. “Timoni” i është besuar Ardian Nuhiut.
Ky i fundit u shkarkua pak ditë më parë nga Gjilani, ndërsa tashmë do të drejtojë Tiranën në Superiore.
Nuhiu është trajneri i tretë te Tirana këtë sezon, pas Vangjel Miles dhe Roberto Bordin.
