Ernest Muçi ka qenë sërish protagonist në kampionatin turk, duke dhënë kontribut në ndeshjen mes Samsunsporit dhe Trabzonsporit.
Gjatë pjesës së parë të takimit, lojtari shqiptar asistoi në golin e vetëm që mban ekipin e tij në avantazh 0-1. Përmes një krosimi të saktë, Muçi shërbeu për sulmuesin Onuachu, i cili e pati të thjeshtë ta dërgonte topin në rrjetë.
Kjo lëvizje teknike e mesfushorit shqiptar u vlerësua si momenti kyç i fraksionit të parë të lojës. Trabzonspori po administron rezultatin në transfertë, i ndihmuar nga forma e mirë që po kalon lojtari i Kombëtares Shqiptare.
Performanca e Muçit konfirmon rëndësinë e tij në formacionin bazë të ekipit turk.
