Pjesa e parë mes Bayern Munich dhe Hoffenheim është mbyllur me avantazhin 3-1 në favor të bavarezëve.
Ndeshja mori një kthesë të rëndësishme në minutën e 17-të, kur Akpoguma u ndëshkua me karton të kuq, duke shkaktuar edhe një penallti të shndërruar në gol nga Harry Kane.
Pavarësisht epërsisë numerike të vendasve, sulmuesi i Kosovës, Fisnik Asllani, u bë protagonist në minutën e 35-të duke asistuar për Kramaric pas një gabimi të Manuel Neuer. Shqiptari rrëmbeu topin dhe pa u menduar dy herë pasoi në zonë, për të sjellë barazimin përkohësisht.
Megjithatë, Bayern arriti të kthejë dominimin në fundin e fraksionit të parë. Harry Kane shënoi golin e dytë personal sërish nga pika e bardhë në minutën e 45-të. Vetëm pak sekonda më vonë, Luis Diaz trefishoi shifrat duke vulosur rezultatin e pjesës së parë.
