Skënderbeu ka arritur marrëveshjen për afrimin e dy lojtarëve. Klubi korçar ka arritur marrëveshjen me portierin Ilir Dobjani për të përforcuar repartin e prapavijës pas dëmtimit të Marko Alia.
Gardiani titullar i korçarëve do të mungojë për rreth tetë javë, çka detyroi drejtuesit të ndërhyjnë menjëherë në afatin kalimtar.
Dobjani, i cili më parë ka qenë pjesë e Egnatias dhe së fundmi ishte i huazuar te Vushtrria, vjen te Skënderbeu si lojtar i lirë.
Po ashtu është mbyllur akordi edhe me sulmuesin Mario Beshiraj, i cili pak ditë më parë u largua nga Teuta.
