Java e katërt e Superiores solli dy rezultate surprizë. Flamurtari u mund minimalisht nga Vora në transfertë, duke regjistruar humbjen e dytë në kampionat.
Goli i vetëm i takimit u shënua nga Luis Felipe në minutën e 12-të me penallti, i cili i dha debutuesve tri pikë të vlefshme.
Me këtë fitore, Vora ngjitet përkohësisht në vendin e dytë me 7 pikë, ndërsa vlonjatët mbeten në vendin e parafundit me vetëm 2 pikë.
Dinamo nuk arriti të gjejë suksesin, duke barazuar pa gola ndaj Bylisit në “Selman Stërmasi”. Miqtë luajtën me një lojtar më pak për më shumë se 20 minuta pas daljes me të kuq të Peraltës, por rezistuan deri në fund.
Dinamo mban vendin e gjashtë me 4 pikë, ndërsa Bylis pozicionohet i teti me 3 pikë.
/Cna
