Pas përfundimit të javës së 13-të, trajnerët e ekipeve Kombëtare kanë përzgjedhur formacionin dhe trajnerin më të mirë, sipas skemës 1-4-2-3-1.
Në portë është zgjedhur Mario Dajsinani i Egnatias.
Katërshja e mbrojtjes përbëhet nga Fabjan Përndreca (Bylis), Altin Bytyçi (Partizani), Sigitas Olberkis (AF Elbasani) dhe Todor Todoroski (Flamurtari).
Para mbrojtjes pozicionohen Xhoeli Macolli (Teuta) dhe Albano Aleksi (Egnatia).
Treshja e mesfushës ofensive përbëhet nga Eridon Qardaku (Dinamo City), Irgi Kasalla (Vora) dhe David Fadario (Teuta), të cilët mbështesin sulmuesin Soumaila Bakayoko të Egnatias.
Trajneri më i mirë i javës është shpallur Enkeleid Dobi i Teutës.
