Federata Shqiptare ka dhënë dritën jeshile, që Tirana t’i luajë ndeshjet si pritëse në stadiumin “Selman Stërmasi”.
Klubi ka kryer investime në stadiumin “Selman Stërmasi”, duke përmirësuar rrethimin e jashtëm dhe ambientet e brendshme për të siguruar licencën e zhvillimit të ndeshjeve. Bardheblutë do të luajnë si pritës si në “Air Albania”, ashtu edhe në stadiumin e tyre historik.
Për sezonin e ri, ekipi do të ketë mundësinë të rikthehet në kryeqytet, derisa impianti aktual të prishet për ndërtimin e një stadiumi të ri. Fusha dhe ambientet tashmë janë modernizuar, duke krijuar kushte më të mira për lojtarët dhe tifozët.
Kjo i lejon klubit të shmangë zhvendosjet në qytete të tjera për ndeshjet si pritës. Rikthimi në “Selman Stërmasi” përfaqëson një lehtësim në organizimin e aktivitetit sportiv. Përveç kësaj, tifozët do të kenë mundësi ta ndjekin më afër skuadrën.
