Ndeshja hapëse e javës së tetë në Superiore do të zhvillohet të premten në orën 14:00, ku Vora do të presë Dinamon.
Federata Shqiptare e Futbollit ka përcaktuar stadiumin “Arena e Demave” si vend zhvillimi për këtë takim.
Klubi i Vorës ka ndryshuar kështu stadiumin pritës, pasi ndeshjet e mëparshme i ka luajtur në Laç. Në pritje të përfundimit të stadiumit të saj, skuadra e Arjan Bellajt do të zhvendoset përkohësisht në kryeqytet.
Dinamo, e drejtuar nga Ilir Daja, renditet aktualisht në vendin e pestë me 11 pikë. Vora ndodhet menjëherë pas saj në renditje, me një pikë më pak. Për të dyja ekipet, kjo ndeshje ka rëndësi në luftën për zonën e sipërme të tabelës.
