Skënderbeu u “hakmor” ndaj Kastriotit për humbjen e parë të shkaktuar në ndeshjen e kaluar në Fushë Krujë.
Korçarët triumfuan 2-1 në Korçë, në duelin e javës së 20-të në Kategorinë e Parë. Ndeshja nisi e luftuar dhe me tension, ku trajneri i krutanëve në një moment u përplas me sulmuesin e Skënderbeut, Aldi Gjumsi.
Fraksioni i parë u mbyll me rrjeta të paprekura, ndërsa e dyta nisi me një supergol. Në minutën e 51-të, Gjini i dha avantazhin Skënderbeut duke shënuar me roveshatë.
Pas këtij goli, bardhekuqtë morën kontrollin e lojës, ndërsa miqtë u hodhën në kërkim të barazimit.
Në minutën e 88-të, Mario Beshiraj realizoi golin e dytë me kundërsulm, pas asistit të marrë nga Saleh Nassr. Debutim me gol për sulmuesin, i cili firmosi me juglindorët pak ditë më parë.
Në minutën e 91-të, ishi i kësaj sfide, Skerdi Xhixho ngushtoi diferencat, duke shënuar golin e parë dhe të vetëm për miqtë, por kishte vetëm vlerë statistikore.
SHIKONI RENDITJEN: RENDITJA NË KATEGORINË E PARË
Me këtë fitore, Skënderbeu shkëputet në krye me 47 pikë, ndërsa Kastrioti mban vendin e katërt me 27 pikë të grumbulluara.
