Klubi i Lushnjes është pranë kalimit në duar private, pasi një prej futbollistëve të Kombëtares shqiptare është shumë afër blerjes së aksioneve.
Lajmi u bë i ditur në emisionin “Procesi Sportiv” në Top Channel dhe bëhet fjalë për Rey Manajn. Sulmuesi në fjalë ka shfaqur interes për të marrë drejtimin e klubit dhe për të rikthyer stabilitetin financiar. Deri tani, palët janë në bisedime të avancuara dhe marrëveshja pritet të finalizohet së shpejti.
Kujtojmë se Lushnja është nxjerrë tri herë në ankand, por pa asnjë ofertë konkrete, duke detyruar anulimin e tenderit të fundit. Me këtë hap, pritet që klubi të mos jetë më nën administrimin e Bashkisë.
Objektivi kryesor do të jetë organizimi i klubit në mënyrë më profesionale dhe garantimi i një të ardhmeje më të qendrueshme. Ky zhvillim shihet si një moment vendimtar për të ardhmen e skuadrës.
