Dinamo përballet me një detyrim financiar në fillim të vitit 2026 pas vendimit të CAS. Gjykatën e Arbitrazhit Sportiv të Lozanës i ka dhënë të drejtë ish-trajnerit Dritan Mehmeti lidhur me ndërprerjen e njëanshme të kontratës së tij.
Mehmeti mori drejtimin e skuadrës në sezonin 2023/2024, duke e renditur ekipin në vendin e gjashtë. Megjithëse kontrata u rinovua automatikisht, drejtuesit e larguan atë në gusht të vitit 2024 për të emëruar Ilir Dajën.
Fillimisht, Dhoma e Zgjidhjes së Konflikteve në Tiranë caktoi një dëmshpërblim prej 12,000 eurosh, por trajneri e apeloi vendimin. CAS ka vendosur tashmë që Dinamo duhet të paguajë vlerën e plotë të kontratës prej 39,000 eurosh, plus 10% kamatëvonesë.
Klubi kryeqytetas është i detyruar ta shlyejë këtë shumë brenda një afati prej dy javësh. Mosrespektimi i këtij afati mund të passjellë penalizime sportive, përfshirë zbritjen e pikëve nga klasifikimi.
Ish-trajneri Mehmeti e ka cilësuar këtë proces si një çështje të mbrojtjes së dinjitetit profesional dhe respektimit të punës së bërë.
