Egnatia është pranë afrimit të dy sulmuesve, Charles Bismark dhe Saleh Nasr, të cilët janë pjesë e Skënderbeut.
Rrogozhinasit kërkojnë të përforcohen pas humbjes në javën e parë të kampionatit kundër Vllaznisë me rezultatin 2-0. Bismark ishte një objektiv i hershëm i shkodranëve, por duket se tashmë është pranë Egnatias, sipas “Panorama Sport”.
Drejtuesit e kampionëve të Shqipërisë kanë vendosur të ndërhyjnë në merkato për të forcuar repartin ofensiv. Skënderbeu, nga ana tjetër, rrezikon të humbasë dy lojtarë të rëndësishëm për synimin e rikthimit mes skuadrave kryesore.
Për klubin korçar, këto lëvizje do të sillnin të ardhura të vlefshme në arkat e tij. Egnatia shihet e vendosur për të siguruar elementë cilësorë për pjesën tjetër të sezonit. Në të njëjtën kohë, Vllaznia mbetet pa një objektiv të rëndësishëm të merkatos.
