Afrimi i një sulmuesi, është një nga objektivat e Interit në këtë merkato vere. Pas Bonny, zikaltërit pritet të marrin edhe një tjetër lojtar, për të zëvendësuar Mehdi Taremin, i cili do të largohet, pasi nuk bën pjesë në planet e stafit teknik.
Për iranianin tashmë kanë shprehur interes Fulham, Nottingham Forest dhe Besiktas, ndërsa agjentët e sulmuesit e kanë ofruar atë te Fenerbahce e Jose Mourinhos.
Sipas “Corriere dello Sport”, dy emrat që po ndjek Interi janë Lois Openda nga Leipzig dhe Christopher Nkunku nga Chelsea.
Interi nuk dëshiron të shpenzojë më shumë se 30-35 milionë euro për sulmuesin e ri dhe ka vendosur një çmim prej rreth 10 milionë eurosh për largimin e Taremit.
