Qendërmbrojtësi i Elbasanit, Sigita Olberkis, ka marrë ftesën e parë nga kombëtarja A e Lituanisë. 28-vjeçari ishte një nga lojtarët kryesorë të skuadrës në pjesën e dytë të sezonit të kaluar.
Ai mungoi disa javë në fillim të këtij sezoni për shkak të një dëmtimi. Pas rikthimit, Olberkis ka treguar formë të mirë dhe ka qenë ndër më të spikaturit në mbrojtje, përkrah kapitenit Lulaj.
Performancat e tij kanë tërhequr vëmendjen e përfaqësueses lituaneze. Lituania e ka përfshirë në listën për ndeshjet e nëntorit kundër Izraelit dhe Holandës.
Për Olberkis, kjo është hera e parë që grumbullohet me ekipin e parë kombëtar. Ai më parë ka qenë pjesë e përfaqësueses U21 të vendit të tij.
Kujtojmë se nga Superiorja është ftuar në Kombëtare edhe Naser Aliji i Dinamos, por nga Shqipëria.
