Te Tirana vazhdon puna për sezonin e ri, por nuk mungojnë edhe çështjen e rëndësishme që duhet të zgjidhen sa më shpejt nga drejtuesit bardheblu.
Leon Kozi dhe Rimal Haxhiu janë të radhës që kërkojnë të mësojnë për të ardhmen e tyre. Në fakt dyshja ka kontratë me kryeqytetasit për sezonin e ri, por mes palëve nuk mungojnë takimet.
LEXO EDHE: Mungon vetëm zyrtarizimi, Tirana afron një sulmues
Ditën e djeshme mes Kozit, Haxhiut dhe drejtuesve ka pasur një takim “kokë më kokë”. Mes tyre është diskutuar çështja e pagës, ku lojtarët kërkojnë të përmirësohet dhe të kenë rritje rroge, sipas “Futbolli në Shqipëri”.
Aktualisht nuk ka asnjë vendim dhe mbetet të shihet në ditët e ardhshme nëse drejtuesit do të pranojnë kërkesën e lojtarëve dhe çfarë do të ndodhë më pas me të ardhmen e tyre.
