Charles Bismark është lojtari më i përfolur sa i përket merkatos në Shqipëri në këto orë të fundit. Sulmuesi ka zbarkuar në Shkodër dhe dukej pranë firmës me Vllazninë.
Megjithatë, një lëvizje e minutës së fundit, mund të bëjë që ganezi të kalojë te Dinamo. Klubi kryeqytetas, sipas asaj që raportohet nga “Superliga”, po tenton firmën me lojtarin.
Madje ata e bëjnë të kryer se ka firmosur me Dinamon, por fakti është që Bismark ndodhet në Shkodër dhe po pret dritën jeshile për të firmosur me Vllazninë.
Sipas asaj që mësohet, gjasat janë që Bismark të kalojë te shkodranët, me të cilët luajti edhe në Europë, ku spikati.
Mbetet të shihet si do të mbyllet kjo telenovelë, nga e cila Skënderbeu mund të përfitojë një shumë të majme.
