Antonio Delaj është lojtari më i ri i Elbasanit. Sipas asaj që raportohet nga “Shkodra Sot”, Vllaznia dhe Elbasani kanë arritur marrëveshjen mes tyre, për transferimin e mesfushorit 22-vjeçar.
Sipas akordit, Elbasani do të zotërojë 70% të kartonit të lojtarit, ndërsa Vllaznia do të mbajë 30% të të drejtave të tij. Ky pakt do të ketë vlerë në rast të një shitjeje të ardhshme të futbollistit.
Delaj pritet të ketë më shumë minuta dhe hapësira për t’u afirmuar në këtë fazë të karrierës së tij.
Për Elbasanin, afrimi i tij konsiderohet si një përforcim i rëndësishëm për repartin ofensiv. Lojtari shihet si një element me perspektivë për të rritur konkurrencën në skuadër.
