Pas eliminimeve të hershme të Egnatias në turin e parë në Champions dhe Partizanit në turin e parë në Conference League, situata për ekipet shqiptare ka ndryshuar.
Në raundin e dytë të Conference League, të tre skuadrat pjesëmarrëse, Egnatia, Dinamo dhe Vllaznia, arritën fitore në ndeshjet e para. Egnatia dhe Dinamo triumfuan në transfertë, ndërsa Vllaznia përmbysi rezultatin ndaj Vikingur Reikjavikut në shtëpi.
Ky sukses ka një rëndësi të madhe për futbollin shqiptar, pasi ndikon drejtpërdrejt në renditjen e UEFA-s dhe ruajtjen e kuotës me katër ekipe në garat europiane.
Aktualisht, Shqipëria ka siguruar 1,375 pikë dhe renditet mes vendeve me koeficientin më të lartë për këtë fazë.
Tani pritet që Egnatia, Vllaznia dhe Dinamo të konfirmojnë formën e mirë edhe në ndeshjet e kthimit, për të vazhduar sa më gjatë në Europë dhe për të siguruar vazhdimësinë e suksesit për Superioren.
/CNA
