Kombëtarja Shqiptare do të zbresë sonte në fushë përballë Polonisë në një ndeshje historike për play-off-in e Botërorit 2026, por me disa ndryshime të rëndësishme në listë.
Trajneri Silvinjo, i detyruar nga rregullat e UEFA-s që lejojnë vetëm 23 lojtarë të grumbulluar për ndeshje, ka lënë jashtë listës finale për këtë takim Jasir Asanin, Nazmi Gripshin dhe Klisman Caken.
Vendimi për të dërguar Jasir Asanin në tribunë vjen si surprizë, duke pasur parasysh rëndësinë e tij në kualifikueset e kaluara, por konfirmon rënien e tij në hierarkinë e sulmit pas transferimit në kampionatin iranian.
Ndërkohë, Gripshi dhe Cake, të cilët së fundmi u transferuan në Rusi, nuk kanë mundur të bindin teknikun brazilian.
Nga ana tjetër, risitë e këtij grumbullimi janë Stavro Pilo mbrojtësi i AEK-ut që zgjodhi Shqipërinë para Greqisë dhe Bujar Pllana, të cilët do të jenë gati në stol për të përforcuar prapavijën.
Gjithashtu, rikthimi i Ernest Muçit dhe Anis Mehmetit i jep më shumë kreativitet mesfushës dhe sulmit.
Poloni-Shqipëri, do të luhet mbrëmjen e kësaj të enjte duke nisur nga ora 20:45 në Varshavë.
NDESHJA LIVE KËTU: https://vetemsport.com/live-gjithcka-ne-vetem-sport/
