Shqipëria luan sot një ndeshje historike. Kuqezinjtë sfidojnë Poloninë në Varshavë, në duelin e vlefshëm për “play off”-in e Botërorit.
Takim me historinë për kombëtaren shqiptare, që luan në këtë fazë për herë të parë. Skuadra e Silvinjos është vetëm dy fitore larg kualifikimit në Botëror.
Gjendja e lojtarëve është pozitive dhe duken të përqendruar në maksimum për një rezultat pozitiv.
Pasi shkëlqyen në kualifikuese duke lënë pas Serbinë, lojtarët kuqezi synojnë një tjetër arritje të madhe, kualifikimin në Botëror.
Një ëndërr e madhe, por në një stadium të vështirë, i cili pritet të jetë i mbushur nga vendasit.
Shqipëria mbërriti në Varshavë një ditë para ndeshjes, ndërsa zhvilloi edhe stërvitjen e fundit në stadiumin e ndeshjes.
Elseid Hysaj mbylli stërvitjen para kohe, por nuk duket problem serioz dhe pritet të jetë gati për të zbritur në fushë.
Ndeshja Poloni-Shqipëri do të luhet mbrëmjen e kësaj të enjte, duke nisur nga ora 20:45. Fituesi i këtij dueli, do të përballet në finalen e play off, me fituesen e Ukrainë-Suedi.
