Ëndrra e Kombëtares Shqiptare për një kualifikim historik në Botërorin 2026 është shuar mbrëmjen e sotme në stadiumin “Narovodi”. Në një sfidë dramatike të fazës play-off, kuqezinjtë u mposhtën 2-1 nga Polonia me përmbysje, pavarësisht një loje ku meritonin shumë më tepër se rezultati final.
Ndeshja nisi në mënyrën më të mirë për djemtë e Silvinjos, të cilët gjetën avantazhin në minutën e 42-të falë një goditjeje të saktë të Arbër Hoxhës.
Pjesa e dytë nisi me të njëjtin ritëm, por minuta e 54-t rezultoi pika e kthesës: Nedim Bajrami humbi një mundësi të artë, me një penallti në lëvizje, duke dështuar të dyfishonte shifrat. Nëntë minuta më vonë, Robert Leëandoëski ndëshkoi kuqezinjtë duke barazuar rezultatin në 1-1.
Shqipëria nuk u dorëzua dhe në minutën e 74-t, Stavro Pilo doli i vetëm përballë portierit polak, por nuk arriti ta dërgonte topin në rrjetë.
Si një ligj i pashkruar i futbollit, në aksionin pasardhës, Piotr Zielinski shënoi golin e përmbysjes për polakët. Pavarësisht përpjekjeve deri në sekondat e fundit, rezultati mbeti i pandryshuar, duke i dhënë fund rrugëtimit tonë drejt Amerikës së Veriut në një natë plot pengje.
