Partizani ka qenë një nga skuadrat më aktive në merkato, duke realizuar dhjetë afrime, ku i fundit ishte Albion Marku.
Megjithëse merkato është mbyllur, klubi vazhdon të kërkojë një sulmues krahu nga lojtarët e lirë. Reparti ofensiv ka pësuar shumë ndryshime këtë verë, duke detyruar klubin të ndërhyjë me përforcime. Te kryeqytetasit pritet të afrohet edhe një sulmues, për të kompletuar repartin.
Aktualisht, vëmendja është e gjitha te kampionati. Të shtunën, më 13 shtator, Partizani do të përballet në transfertë me Vllazninë në “Loro Boriçi”.
Të kuqtë kanë grumbulluar katër pikë në dy javët e para, pas fitores ndaj Vorës dhe barazimit me Teutën.
Vllaznia nga ana e saj ka tre pikë, të marra në ndeshje të vështira ndaj Egnatias dhe Dinamos, çka e bën sfidën edhe më interesante.
