Derbi mes Partizanit dhe Tiranës do të zhvillohet të premten, më 3 tetor, në orën 19:00 në stadiumin “Air Albania”.
Deri tani është vërejtur një interes i ulët nga tifozët për sigurimin e biletave. Partizani e hapi shitjen online që javën e kaluar, ndërsa dje nisi edhe shpërndarja në pikën fizike te stadiumi “Selman Stërmasi”. Ditën e ndeshjes, biletat do të jenë të disponueshme edhe në “Air Albania”.
Çmimet variojnë nga 500 deri në 5000 lekë të reja. Nga ana tjetër, Tirana nuk ka bërë ende një njoftim për derbin, gjë që është e pazakontë për një sfidë të tillë.
Partizani, si klub pritës, pritet të ketë të ardhura më të pakta nga ky organizim. Aktualisht, të dy skuadrat renditen në fund të tabelës, me vetëm dy pikë diferencë mes tyre.
