Trajneri i Dinamos, Ilir Daja, ka bërë një thirrje publike drejtuar sportiv të klubit, Luan Pinari, për ndërhyrje në afatin kalimtar.
Tekniku theksoi se përpara se të deklarohen objektivat në media, klubi duhet të angazhohet për afrimin e lojtarëve të rinj në skuadër. Sipas Dajës, dëmtimi i fundit i mbrojtësit Maliqi, i cili ka mbyllur sezonin, e bën të domosdoshme ndërhyrjen në merkato.
Trajneri specifikoi se ekipit i duhen të paktën 2 deri në 3 lojtarë të rinj për të mbajtur ecurinë pozitive të vitit 2025. Ai shtoi se drejtuesit duhet të mbajnë përgjegjësi për plotësimin e organikës në përputhje me pretendimet e klubit.
“Për të dalë te merkato, jam trajner, se kam drejtorin sportiv para dhe ai para se të thotë që luftojmë për këtë e atë, të luftojë për të sjellë ca lojtarë në ekip, sepse edhe me dëmtimin e Maliqit që e ka mbyllur këtë kampionat, patjetër na duhet të përforcohemi me 2-3 lojtarë që të vazhdojmë ecurinë që kemi pasur edhe në 2025.
Ia kisha premtuar që do ia thosha se kur del në shtyp duhet të mbajë përgjegjësi pastaj edhe për gjërat e tjera”, tha Daja.
