Pas përfundimit të ndeshjes derbi midis Dinamos dhe Tiranës, në ambientet e stadiumit “Selman Stërmasi” është regjistruar një incident midis futbollistit Bernard Berisha dhe drejtuesve të klubit blu.
Sulmuesi, i cili nuk u aktivizua gjatë sfidës së vlefshme për Kupën e Shqipërisë, ka shfaqur shenja pakënaqësie në korridoret e stadiumit. Gjatë një diskutimi me presidentin Adrian Bardhi dhe drejtorin Ermal Barushi, lojtari ka reaguar ashpër.
Pas largimit të lojtarit, presidenti Bardhi ka vijuar qëndrimin në dhomat e zhveshjes për rreth 10 minuta. Ky episod vjen pas fitores së Dinamos në fushën e lojës, duke krijuar tensione brenda kampit blu.
