Ish-trajneri i shumë skuadrave të Superiores, Orges Shehi, ka hapur një çështje zyrtare në FIFA kundër ish-klubit të tij, Ballkanit.
48-vjeçari dhe klubi nga Suhareka do t’i zgjidhin mosmarrëveshjet që lindën pas largimit të tij në nëntor në organet më të larta të futbollit botëror.
Pavarësisht kësaj përplasjeje ligjore, trajneri durrsak konsiderohet i lirë nga FIFA dhe mund të firmosë me çdo klub të ri që dëshiron shërbimet e tij.
Shehi, i cili ka një karrierë të pasur me një titull kampion dhe dy Superkupa, mbetet një nga emrat më të kërkuar në tregun e trajnerëve, sidomos pas eksperiencave të suksesshme te Tirana, Partizani, Kukësi dhe Skënderbeu.
Aktualisht pa klub, ai pritet të jetë sërish protagonist në stolat e Superiores ose jashtë saj.
