Probleme te Skënderbeu, ku disa lojtarë nuk kanë mbërritur në kohë pas pushimeve dimërore.
Saleh Nasr dhe Baba Musa janë bashkuar tashmë me grupin dhe po stërviten nën urdhrat e stafit teknik. Megjithatë, lajmi i papritur vjen nga Luka Vasquez, i cili ka kërkuar zgjidhjen e menjëhershme të bashkëpunimit me klubin.
Mbrojtësi ka njoftuar drejtuesit se për arsye personale dhe familjare nuk do të kthehet më në Korçë. Klubi pritet të dalë me një komunikate zyrtare për të sqaruar detajet e këtij largimi të parakohshëm. Nga ana tjetër, lajmet janë pozitive për Randy, i cili pritet t’i bashkohet ekipit gjatë kësaj jave.
Plotësimi i kontingjentit do t’i japë më shumë frymëmarrje trajnerit Ernest Gjoka për ndeshjet e radhës në Kategorinë e Parë.
