Skënderbeu U-19 triumfoi me rezultatin e thellë 10-0 ndaj Inter Escaldes në transfertë. Rrugëtimi në Europë, ka nisur në mënyrën më të mirë të mundshme për korçarët, me një sukses bindës në UEFA Youth League.
Bardhekuqtë e nisën vrullshëm dhe shënuan katër herë që në pjesën e parë, me dopietë të Beqirit dhe golat e Korçarit e Begajt.
Në fraksionin e dytë, Skënderbeu shënoi edhe gjashtë herë të tjera, për të vulosur fitoren e madhe 10-0.
Sfida e kthimit do të jetë në Korçë më 1 tetor, por kualifikimi duket i vendosur tashmë.
