Egnatia dhe Vllaznia ndanë nga një pikë në supersfidën e javës së 10-të të Superiores, me barazimin 2-2 në Rrogozhinë. Pjesa e parë u mbyll me avantazhin e Vllaznisë falë një goli të bukur nga Sherif Kallaku në minutën e 43-të. Në fraksionin e dytë, Egnatia reagoi dhe barazoi me Yahaya në minutën e 62-të.
Ndeshja mori tjetër ritëm pas daljes me të kuq të Fangajt, i cili shkaktoi penallti në minutën e 74-të. Balaj realizoi me saktësi, duke rikthyer avantazhin për shkodranët.
Megjithatë, edhe pse me një lojtar më pak, Egnatia arriti të shmangë humbjen me një gol të Jaime në minutën e 86-të, pas një skeme nga goditja e dënimit.
Në fund, ndeshja u mbyll 2-2, një rezultat që lë Vllazninë në krye të renditjes me 20 pikë, po aq sa Elbasani, ndërsa Egnatia ndodhet në vendin e tretë me 19 pikë.
