Partizani u rikthye te fitorja në Superiore, pas dy barazimeve radhazi. Të kuqtë triumfuan 1-0 ndaj Bylisit, në duelin e javës së 14-të.
Skuadra e drejtuar nga Oltijon Kërnaja, iu fal një goli të shënuar nga Contreras në minutën e 72-të, për të marrë 3 pikët.
Me këtë sukses, Partizani ngjitet në vendin e gjashtë me 17 pikë, ndërsa Bylis mbetet në vendin e tetë me 13 pikë.
Në duelin tjetër, mes Teutës dhe Elbasanit, nuk kishte gola. Supersfida në “Niko Dovana”, u mbyll në barazim 0-0.
SHIKONI RENDITJEN: https://vetemsport.com/java-e-12-superiore-renditja/
Të dyja skuadrat kishin raste për shënim, por nuk i konkretizuan dhe në fund ndanë nga një pikë. Elbasani ishte më kërkues për pjesën më të madhe, por Teuta rrezikoi shumë në fund, ndërsa u ndal nga shtylla në dy raste.
Me këtë barazim, Elbasani mban vendin e parë me 26 pikë, ndërsa Teuta me katër pikë më pak renditet në vendin e katërt.
