Sulmuesi i Kombëtares Shqiptare, Ernest Muçi, ka qenë protagonist absolut në fitoren e rëndësishme të Trabzonspor në kampionatin turk.
Në përballjen e sotme kundër Kocaelispor, Muçi shënoi golin e përmbysjes në minutën e 91-të, duke vulosur rezultatin përfundimtar 2-1.
Goli i sulmuesit shqiptar erdhi pas një goditjeje të saktë dhe befasuese nga jashtë zonës, e cila la të palëvizur mbrojtjen dhe portierin kundërshtar.
Me këtë realizim, Ernest Muçi konfirmon formën e tij të lartë dhe vazhdimësinë në Turqi. Paraqitja e tij ishte vendimtare për marrjen e tre pikëve në një ndeshje që dukej e mbyllur në barazim.
