Klubi i Tiranës ka arritur marrëveshjen me mesfushorin brazilian Eliton Junior.
Mesfushori ka gjetur akordin me bardheblutë dhe ka nisur stërvitjen me skuadrën.
Zyrtarizimi i transferimit pritet të bëhet së shpejti.
Eliton është një lojtar i lirë, pasi ka mbyllur kontratën me klubin brazilian Amazonas.
Ai është 27 vjeç dhe ka përvojë edhe në futbollin europian.
Në karrierën e tij ka luajtur për Torpedo Kutaisi në Gjeorgji.
Me këtë skuadër, ai ka qenë pjesë e eliminimit të Tiranës në turin e dytë të Ligës së Konferencës sezonin e kaluar.
