Vora ka zgjatur krizën e Tiranës. Skuadra e Arian Bellait, fitoi 0-2 në “Selman Stërmasi”, në ndeshjen e javës së 11-të në Superiore.
Humbje e hidhur për Tiranën, që renditet e fundit dhe duket në rrezik për mbijetesën.
Ndeshja nisi mirë për miqtë, që shënuan shpejt dy gola. Bardhi zhbllokoi takimin në minutën e 12-të, ndërsa Kasalla dyfishoi shifrat me penallti në minutën e 33-të.
Me këtë humbje, Tirana mban vendin e fundit në renditje me vetëm gjashtë pikë në 11 javë kampionat, ndërsa Vora ngjitet në vendin e gjashtë me 14 pikë.
